"Астон Вилла" жамоаси бош мураббийи Унаи Эмери ҳужумчи Маркус Рэшфордни "Манчестер Юнайтед"дан сотиб олиш ҳақида ўйлаётганини айтди.
Бирмингемликлар ўтган қишда инглизни жорий мавсум якунига қадар ижарага олган эди. Келишувга футболчининг 40 млн фунт (деярли 47 млн евро) эвазига тўлақонли трансфер қилиш имконияти киритилган.
"Ҳозир режалаштириш қийин. Маркус бу ерда ўзини яхши ҳис қилмоқда. Бугун у ["ПСЖ"га қарши] фантастик ўйин ўтказди. Биз ундан жуда мамнунмиз. Ҳаммаси кўплаб турли ҳолатларга, жумладан, мавсум қандай якунланишига ҳам боғлиқ," - дея Эмерининг жавобини келтиради журналист Бен Жейкобс.
