"Aston Villa" jamoasi bosh murabbiyi Unai Emeri hujumchi Markus Reshfordni "Manchester Yunayted"dan sotib olish haqida o‘ylayotganini aytdi.
Birmingemliklar o‘tgan qishda inglizni joriy mavsum yakuniga qadar ijaraga olgan edi. Kelishuvga futbolchining 40 mln funt (deyarli 47 mln yevro) evaziga to‘laqonli transfer qilish imkoniyati kiritilgan.
"Hozir rejalashtirish qiyin. Markus bu yerda o‘zini yaxshi his qilmoqda. Bugun u ["PSJ"ga qarshi] fantastik o‘yin o‘tkazdi. Biz undan juda mamnunmiz. Hammasi ko‘plab turli holatlarga, jumladan, mavsum qanday yakunlanishiga ham bog‘liq," - deya Emerining javobini keltiradi jurnalist Ben Jeykobs.
