"Барселона" дарвозабони Войцех Шеснининг мағлубиятсиз серияси "Боруссия" Дортмундга қарши ўйинда якунланди.
Польшалик футболчи "кўк-анорранглилар" сафида барча мусобақаларда ўтказган 22 та ўйинда мағлубиятга учрамаган. Муваффақиятли серия сешанба куни якунига етди: "Барселона" Чемпионлар Лигаси 1/4 финалида сафарда "Боруссия"га ютқазди (1:3). Бироқ, мағлубиятга қарамай, кейинги босқичга айнан каталонияликлар чиқди - биринчи ўйинда улар 4:0 ҳисобида ғалаба қозонганди.
Войцех Шесни ўтган йилнинг октябрь ойида "Барселона"га кўчиб ўтган ва январь ойида дебют қилган.
