Нидерландиялик вингер Мемфис Депай Бразилия футболига мослашгани ва "Коринтианс"даги илк мавсуми ҳақида гапирди.
"Дунё шунчаки Европадан каттароқ. Европада баъзида бош билан ўйнашга мойиллик бор. Кўпроқ қоидалар, баъзида ҳимоявий ўйнайдиган жамоалар, ортиқча ўйлайдиган жамоалар бор. Баъзида бу ўйинни ўлдиради. Бразилияда биз завқланамиз ва ҳақиқий футболдан соф ҳиссиётларни бошдан кечирамиз. Бу биз Европада кўрганимиздан бутунлай фарқ қилади", деди Мемфис.
Эслатиб ўтамиз, 31 ёшли Депай Европада "Барселона", "Атлетико", "Лион", "Манчестер Юнайтед" ва ПСВ клубларида тўп тепган.
