34 ёшли форвард ва Мадрид клуби шартномани 2027 йилгача узайтиришга келишиб олди, деб хабар беради Relevo. Франциялик футболчининг ёзда кетиши мумкин эмас.
"Атлетико Мадрид" бош мураббийи Диего Симеоне ҳамон Гризманни асосий ўйинчи деб билади ва ўзи клубдан ҳужумчини сақлаб қолиш учун ҳаракат қилишни сўраган.
"Атлетико" Антуан ёзда кетишидан қўрқарди , у "Лос-Анжелес" билан алоқада эди. Бироқ МЛСга ўтиш варианти футболчида шубҳа уйғотди. У халқаро танаффус вақтида мадридликлар билан музокаралар олиб борди.
Гризманн жорий мавсумда Ла Лигада 31 та ўйинда майдонга тушиб, 8 та гол урди ва 5 та голли узатмани амалга оширди.
