Россиянинг Хабаровск шаҳрида “Константин Коротков” халқаро хотира турнири бўлиб ўтмоқда. Ушбу мусобақада Ўзбекистон терма жамоаси ҳам иштирок этмоқда.
Бугунги дастурлар ичида ўзбекистонлик икки боксчи — Ҳасанбой Дўсматов (-54 кг) ҳамда Фарёзбек Дўсматов (-54 кг) ўртасида чорак финал баҳси ўтиши керак эди. Аммо Ҳасанбой ушбу жанг чиқишдан бош тортди ва рингга чиқишни истамаслигини билдирди. Сабаби у укаси ҳисобланган Фарёзбек Дўстматовга қарши жанг қилишни хоҳламаган.
Шу тариқа кичик Дўстматов мусобақанинг ярим финал йўлланмасига эга чиққан. Ҳасанбой эса мусобақа билан хайрлашди.
Маълумот учун, “Константин Коротков” халқаро хотира турнири 14-20-апрель кунлари бўлиб ўтади. Ўзбекистон шарафини 19 нафар боксчи ҳимоя қилмоқда. Уларнинг 13 нафар эркаклар бўлса, 6 нафар аёл боксчилар бор.
