BILD нашри "Байер" юлдузи Флориан Вирцнинг келажаги бўйича барча мумкин бўлган сценарийларни унга қизиққан клублардан келиб чиқиб санаб ўтишга қарор қилди.
Биринчиси, у "Байер"да қолади. Клуб ҳали ҳам унинг яна бир мавсум қолишига ишонади ва шартномани 2028 йилгача узайтиришидан умидини узмади, товон пули 125 миллион евро бўлиб, келгуси ёзда кучга киради.
Вирц қаерга боришни хоҳлаши унинг келажакдаги мақсадларига боғлиқ. Айтилишича, у потенциал даъвогарларни Чемпионлар лигаси ва "Олтин тўп"ни қўлга киритиш имкониятларига қараб тартиблаган.
"Реал" май ойида Вирцни сотиб олиш ҳақида қарор қабул қилади. "Сити"га келсак, Пеп Гвардиола Вирц билан учрашгани ва Кевин Де Брюйнени қандай алмаштиришини тушунтиргани айтилди. Инглизлар зудлик билан 150 миллион евро тўлашга тайёр, шунингдек, ярим ҳимоячига юқори маош таклиф қилишади.
"Бавария" билан ҳамма нарса мураккаброқ. Вирцнинг отаси ўғлининг "Бавария"га ўтишини афзал кўради ва Ули Хьонесс билан бир неча бор учрашган, аммо "Сити"нинг қизиқиши нархни оширмоқда.
Виртс жорий мавсумда 40 та ўйинда 15 та гол урди ва 13 та голли узатмани амалга оширди.
