"Милан" ҳужумчи Тэмми Абрахам бўйича режаларини аниқлаб олди. Corriere dello Sport нашри саҳифаларида ёзилишича, "россонерилар" бош мураббий лавозими борасида мавҳумликка қарамай, Абрахамни "Рома"дан сотиб олишади.
Абрахам ўтган йилнинг ёзи охирида "Милан" таркибига қўшилганди. Ўшандан бери ҳужумчи 40 та ўйин ўтказиб, 10 та гол урди ва шерикларига 7 та голли узатмани амалга оширди.
Нуфузли Transfermarkt портали 27 ёшли Темми Абрахамни 15 миллион еврога баҳоламоқда.













