Жошуа Зиркзее жароҳати туфайли мавсум охиригача сафдан чиқди.

"Манчестер Юнайтед" ҳужумчиси АПЛнинг 32-туридан ўрин олган "Ньюкасл"га (1:4) қарши ўйинда сонининг орқа қисмидан жароҳат олди.

Манкунианликлар бош мураббийи Рубен Аморим Зиркзенинг бу мавсумда бошқа майдонга тушмаслигини тасдиқлади.

"Жошуа мавсум охиригача сафдан чиқди, у бошқа майдонга тушмайди. Келгуси мавсумга тайёрланаверсин. Бу оғир, айниқса ҳозирги пайтда. Ҳозир у тикланишга тайёргарлик кўриши керак," - деди Аморим.

АПЛ жорий мавсумида 23 ёшли нидерландиялик 32 та ўйинда майдонга тушиб, 3 та гол ва 1 та голли узатмага муаллифлик қилди.