Чемпионлар лигасининг чорак финал босқичи ортда қолди, яъни Европа футболининг асосий клуб соврини учун курашни атиги тўртта жамоа давом эттирмоқда. Ярим финалчиларнинг биринчи жуфтлиги "Арсенал" ва "ПСЖ," иккинчи жуфтлиги эса "Барселона" ва "Интер"дан иборат бўлди.
Қизиғи, "Арсенал" ва "ПСЖ" тарихда ҳеч қачон Чемпионлар Лигаси кубогини қўлга киритмаган. Бу жамоалар бир мартадан финалда ўйнашган, аммо у ерда мағлуб бўлишган. "Арсенал" 2006 йилда финалда "Барселона"га (1:2), "ПСЖ" эса 2020 йилда "Бавария"га (0:1) ютқазганди.
"Барселона" беш марта, "Интер" уч марта Европа чемпионлари кубогини қўлга киритган.













