"Тоттенхэм" бош мураббийи Анге Постекоглу клубдаги келажаги ҳақидаги саволга жавоб берди. "Шпорлар" Премьер-лигада 32 ўйиндан сўнг турнир жадвалида 15-ўринда бормоқда.
"Кейинги мавсумда "Тоттенхэм" бош мураббийи бўламанми? Ҳеч қандай тасаввурга эга эмасман. Олдинда бизни жуда муҳим ўйин кутиб турибди (Европа лигаси чорак финалида "Айнтрахт"га қарши). Футболчилар учун, барчамиз учун, клуб учун ажойиб имконият. Ғалаба бизни энг азиз мақсадимизга эришишга яқинлаштиради", - деди Постекоглу.
"Айнтрахт" - "Тоттенхэм" учрашуви Тошкент вақти билан соат 00:00да бошланади. Биринчи учрашув 1:1 ҳисобида якунланганди.
