Бразилияда Карло Анчелоттини терма жамоага жалб қилиш ишлари давом этмоқда.
Италиялик мутахассис бошчилигидаги Мадриднинг “Реал” клуби чорак финалда “Арсенал”га умумий ҳисобда 1:5 ҳисобида имкониятни бой бериб, Чемпионлар лигасини тарк этди.
Мадриддаги ўйиндан сўнг Анчелоттидан "Реал Мадрид" бош мураббийи сифатидаги келажаги ҳақида сўрашди.
"Бу бу йил, келаси йили шартномам тугайдиган бўлиши мумкин... Бунда ҳеч қандай муаммо йўқ. Лекин бу ердаги ишларим тугагач, мен бу клубдан миннатдор бўламан. Бу эртага, бир йилдан кейин ёки ўн йилдан кейин содир бўлиши мумкин, лекин мен миннатдор бўламан", - деди Анчелотти.
Бразилия ҳали ҳам Анчелоттининг терма жамоага янги бош мураббий этиб тайинланишига умид қилмоқда. Sky Sports хабарига кўра, таниқли бразилиялик бизнесмен Диего Фернандес потенциал шартнома тузишга ҳаракат қилмоқда.
Фернандеснинг Анчелоттининг яқин доиралари ва Бразилия футбол конфедерацияси билан алоқалари борлигига ишонилади.
