Карло Анчелотти Бразилия терма жамоасида ишлаш имкониятини рад этмаяпти.
The Telegraph хабарига кўра, италиялик мутахассис "пентакампеонлар" бош мураббийи лавозимини эгаллаши мумкин. У жорий мавсум якунида "Реал"ни тарк этиши кутилмоқда.
Бразилияликлар Анчелоттини июнь ойи бошида бўлиб ўтадиган ЖЧ-2026 саралашидан ўрин олган Эквадор ва Парагвай терма жамоаларига қарши ўйинлар олдидан тайинлашдан манфаатдор.
Кеча "Реал" 1/4 финалда "Арсенал"га мағлуб бўлиб (1:2, биринчи ўйин - 0:3), Чемпионлар Лигасини тарк этди. Мадрид клуби Ла Лига турнир жадвалида иккинчи ўринда бормоқда ва Испания кубоги финалида "Барселона" билан ўйнайди.
Эслатиб ўтамиз, аввалроқ Бразилия футбол конфедерацияси Доривал Жуниорни терма жамоа бош мураббийлигидан истеъфога чиқарган эди.
