Мадриднинг "Реал" клуби икки нафар тарбияланувчисини ортга қайтариши мумкин, дея хабар бермоқда Todofichajes нашри. Гап Нико Пас ва Мигель Гутьеррес ҳақида кетмоқда. Биринчиси ҳозирда Италиянинг "Комо" клубида тўп тепаётган бўлса, иккинчиси "Жирона" шарафини ҳимоя қилмоқда.
Паснинг ҳозирги клуби билан шартномаси 2028 йилнинг ярмигача мўлжалланган. Футболчининг трансфер нархи 35 миллион еврога баҳоланмоқда. Гутьерресга келсак, латераль "Жирона" билан 2027 йилнинг ярмигача шартнома мажбуриятлари билан боғланган. Унинг баҳоси - 25 млн.
Испания чемпионатининг жорий мавсумида "Реал" 31-турдан кейин 2-ўринни эгаллаб турибди. Карло Анчелотти жамоаси "Барселона"дан 4 очко ортда қолмоқда.
