"Бавария" ярим ҳимоячиси Жоау Палинья Англия Премьер-лигасига қайтиши мумкин.
Португалиялик Мюнхен гранди сафига ўтган йилнинг ёзида "Фулхэм"дан кўчиб ўтганди. Германияда хавбек ўзини тўлиқ намоён қила олмади, шунинг учун матбуотда унинг тез орада кетиши ҳақида тез-тез гапирилмоқда. Журналистлар Тоби Альтшеффль ва Кристиан Фалькнинг маълум қилишича, Пальиньяга "Вест Хэм" аллақачон қизиқиш билдирган, шунингдек, "Фулхэм" ҳам футболчининг қайтишидан манфаатдор.
"Бавария" трансфер таклифларини эшитишга тайёр. Футболчининг ўзи жамоада қолишни ва асосий таркиб учун курашишни афзал кўради, аммо жамоадаги ўрни ўзгармаса, кетиш имкониятини кўриб чиқиши мумкин.
Жоау Палиньянинг трансфер нархи "Transfermarkt" портали томонидан 40 млн еврога баҳоланган.













