"Барселона" бош мураббийи Ханс-Дитер Флик Дортмунднинг "Боруссия"си билан Чемпионлар лигаси чорак финал жавоб учрашувида жамоанинг мағлубият сабаблари ҳақида гапирди.
Учрашув 1:3 ҳисобида якунланган бўлса-да, биринчи ўйиндаги 4:0 ҳисобида йирик ҳисобдаги ғалаба эвазига каталонияликлар турнирнинг ярим финалига йўл олишди.
"Охирги икки ҳафтада нечта ўйин ўтказганимизни биласизми? Менда ҳеч қачон бундай жадвал бўлмаган. Дам олишга вақтимиз йўқ. Дортмундда унчалик яхши ўйнамадик, аммо ярим финалга чиқдик. Бу нормал ҳолат", деди Флик.
"Барселона" ва "Интер" ўртасидаги Чемпионлар лигасининг биринчи ярим финал учрашуви 30 апрель куни бўлиб ўтади.
