"Рома" бош мураббийи Клаудио Раньери "Верона"га қарши А Сериянинг 33-тур учрашуви олдидан жамоанинг украиналик ҳужумчиси Артем Довбикнинг ўйини ҳақида ўз фикрлари билан ўртоқлашди.

"Жамоада айбдорлар йўқ, ҳаммаси доим 50/50 бўлади. У кўпроқ ҳаракат қилиши керак, баъзида у спринтлар қилади, лекин биз унга пас бермаймиз, шунинг учун бу ўзаро жавобгарлик.

Унга ҳар доим айтадиган нарсам шуки, менга нафақат унинг голлари, балки жамоа ўйинидаги умумий ҳиссаси ҳам керак. У югуриши ва майдонда кўриниши керак. Мен ҳали ундан тўлиқ мамнун эмасман. У кўпроқ жамоавий ўйин кўрсатиши керак", - дейди Раньери.

Жорий мавсумда Артем 41 та ўйинда майдонга тушиб, 16 та гол урди ва 3 та голга ассистентлик қилди.