Антони шахсий ҳаёти унга "Манчестер Юнайтед"да ўзини кўрсатишга халақит берган деб ҳисоблайди.
Бразилиялик вингер 2022-йилнинг августида "Аякс"дан Англия клубига бонуслар билан бирга 100 миллион евро эвазига ўтган эди. 2023-йилда футболчининг собиқ севгилиси уни тан жароҳати етказганликда айблаган эди.
Антони ҳозирда “Бетис”да ижара асосида ўйнамоқда.
“Шахсий ҳаётим катта тўсиқ бўлди. Ёқдими-йўқми, бу менга катта таъсир қилди.
Мен ўз салоҳиятимни биламан – ЖЧга борганим бежиз эмас, “Юнайтед”га катта пул эвазига сотиб юборилганим ҳам бежиз эмас ва мен ўзимнинг қадримни биламан. Одамлар маълум дақиқаларни кўришади, лекин катта воқеаларга қарамайдилар.
"Манчестер Юнайтед"да яхши ва ёмон лаҳзаларни ўтказдим, лекин мен кўпроқ иш қилишим ва яхшироқ ўйнашим мумкин эди", деди Антони.
