«Унион» ва «Штутгарт» биринчи бўлимда ўзаро 4 тадан гол уришди.

Бундеслиганинг 30-тур учрашуви Берлинда бўлиб ўтди.

Андрей Илич 5-дақиқада мезбонларни ҳисобда олдинга олиб чиққан бўлса, 19-дақиқада Диогу Лейте «Унион»нинг иккинчи голига муаллифлик қилди. 23-дақиқада Дениз Ундав ҳисобни қисқартирди, 29-дақиқада Энцо Мийо ҳисобни тенглаштирди.

38-дақиқада «Унион» яна Леополд Кверфельднинг голи эвазига ҳисобда олдинга чиқиб олди. Учрашувнинг 43-дақиқасида Юлиан Шабо ҳисобни 3:3 кўринишига келтирган бўлса, Крис Фюрих 1-дақиқада меҳмонларни ҳисобда олдинга олиб чиқди.

Ҳакам томонидан қўшиб берилган 6-дақиқада Илич дубль қайд этди ва танаффусга қадар якуний ҳисобни ўрнатди - 4:4. Ўйин сўнггигача ҳисоб ўзгармади.

Opta хабарига кўра, Бундеслига тарихида биринчи марта танаффусга қадар 8 та гол урилди.