Ансу Фати захирадан майдонга тушмаслигини билгач, тўпни тепиб юборди.
"Барселона" Ла Лиганинг 32-турида "Сельта"ни мағлуб этди (4:3).
Иккинчи бўлим давомида 22 ёшли вингер майдон четида қолган жамоадошлари билан бирга чигалёзди машқларини бажарди.
Охир-оқибат майдонга туша олмаслигини англаб, жаҳли чиққан Фати ўриндиққа борди ва йўл-йўлакай сув солинган қути ва ўриндиқнинг ўзини тепди.
Фати 10 ноябрдан буён Ла Лигада ўйнамаяпти. 2025 йилда ҳужумчи фақат иккита ўйин охирида майдонга тушди - Испания кубоги доирасида "Барбастро"га (4:0) ва Чемпионлар лигасида "Боруссия"га (4:0) қарши ўйинларда.
