"Бетис" сафида ижара асосида тўп тепаётган "Манчестер Юнайтед" футболчиси Антони Рубен Аморим ҳақидаги саволга жавоб берди.
Португалиялик ўтган йилнинг ноябрь ойида "қизил иблислар" бош мураббийи лавозимини эгаллаган эди.
"Мен Аморим билан узоқ ишламадим, лекин у жуда яхши мураббий. "Манчестер Юнайтед" ҳозир оғир кунларни бошдан кечирмоқда, аммо Рубен ҳақиқатан ҳам яхши. Биз у билан яхши чиқишардик, бироқ менга янги чақирув керак эди. Мен унга фақат энг яхши тилакларни тилашим мумкин," - дея Антонининг сўзларини келтиради The Touchline.













