Испания Ла Лигасининг шанба кунги "Сельта"га қарши ўйинида "Барселона" камбэк қайд этиб, 1:3 ҳисобини 4:3 кўринишига келтирди. Шу билан бирга, ўйин охирида каталонияликлар Роберт Левандовскини йўқотишди - польшалик форвард жароҳат олди. Бу борада "кўк-анорранглилар" бош мураббийи Ханс-Дитер Флик изоҳ берди.
"Эртага Левандовскини МРТ қилишади. Натижаларни кутиш керак, шунда биз унинг жароҳати ҳақида кўпроқ билиб оламиз," - дея Фликнинг сўзларини келтиради Barca Universal.
"Барселона" навбатдаги ўйинни 22 апрель куни Ла Лига доирасида "Мальорка"га қарши ўтказади.
