"Барселона" ҳужумчи Роберт Левандовскининг яқинлаштирувчи пайидан жароҳат олгани аниқлангани ҳақида хабар берди. AS нашри хабарига кўра, польшалик футболчининг тикланиши учун камида уч ҳафта керак бўлади.
Демак, Левандовски "Барселона"нинг бир қатор муҳим ўйинларини ўтказиб юборади. Польяк Испания кубоги финалида "Реал"га қарши (26 апрель) ва Чемпионлар лигасининг ҳар икки ярим финалида "Интер"га қарши (30 апрель ва 6 май) ўйнамаслиги аниқ.
"Барселона" мухлислари Левандовскининг Ла Лигада "Реал"га қарши ўйнай олишига умид қилишлари мумкин (11 май), аммо бу ҳам кафолатланмаган.
