Яқин келажакда "Реал" мураббийлари ўрнида ўзгариш бўлиши мумкин. Нуфузли инсайдер Фабрицио Романонинг ижтимоий тармоқларда маълум қилишича, Мадрид клуби Карло Анчелотти ўрнига Хаби Алонсони олишни мақсад қилган. Дарвоқе, "қаймоқранглилар" ҳозирча "Байер" бош мураббийи томон ҳеч қандай расмий қадам қўйишгани йўқ.
Қайд этилишича, "Байер" Хаби Алонсонинг "Реал"га ўтиш йўлида халақит бермайди. Леверкузенликлар мутахассиснинг "Реал"ни бошқаришни истаётганидан хабардор, чунки ўтган йили Хаби Премьер-лига ва "Бавария" вариантларини рад этганди.
"Байер" айни дамда Германия чемпионати турнир жадвалида 2-ўринни эгаллаб турибди.
