"Милан" сўнгги 5 ўйиндан атиги 1 тасида ғалаба қозонган.
Сержиу Консейсау жамоаси А Сериянинг 33-турида "Аталанта"га ютқазиб қўйди (0:1).
Сўнгги 5 ўйинда "Милан" фақат битта ғалабага эришди - "Удинезе" (0:4). Шунингдек, ушбу даврда "россонерилар" 2 марта мағлубиятга учради ва икки марта дуранг ўйнади.
Мавсум тугашига 5 тур қолганида "Милан" А Серия турнир жадвалида 9-ўринни эгаллаб турибди. Жамоа 51 очко жамғарган - пешқадам "Интер" ва "Наполи"дан 20 очко кам.
"Милан" кейинги турда "Интер"га қарши майдонга тушади. Италия кубогининг жавоб ярим финали 23 апрель, чоршанба куни бўлиб ўтади.
