"Аталанта" ярим ҳимоячиси Мартин де Рон "Милан" устидан қўлга киритилган ғалабани (1:0) изоҳлади.
"Биз ғалаба қозонишимиз мумкинлигига ишонардик. Биринчи таймнинг ўзидаёқ жуда кучли ўйин кўрсатдик, фақат гол уриш насиб этмади. Айнан шундай ўйнаш муҳим эди, бу бизга ишонч бағишлади. Биз ақл бовар қилмайдиган даврдан ўтмоқдамиз, "Аталанта" ҳақида Чемпионлар Лигасининг доимий иштирокчиси, ҳатто Скудеттога даъвогар сифатида сўз юритишмоқда. Бу жуда ёқимли," - дея де Роннинг сўзларини келтиради pianetamilan.it.
"Аталанта" Италия чемпионати турнир жадвалида учинчи ўринни сақлаб қолмоқда.
