"Ливерпуль" ҳужумчиси Муҳаммад Салоҳ "Лестер"га қарши ўйинда гол ура олмади.
"Қизиллар" "тулкилар" дарвозасига ўнта зарба йўллади, аммо фақат бир марта гол урди (1:0). Биргина Салоҳнинг ўзи етти марта дарвозага аниқ зарба берди, аммо таблога ўз исмини ёздириб қўя олмади. Умуман олганда, мисрлик футболчи бир ўйинда тўртта яққол голли вазиятдан фойдалана олмади - бу Премьер-лиганинг жорий мавсумидаги антирекордни такрорлашдир. Аввалроқ "Челси"дан Нони Мадуэке ("Саутгемптон"га қарши ўйинда), "Брентфорд"дан Йоан Висса (у ҳам "Саутгемптон"га қарши ўйинда) ва Салоҳнинг ўзи ("Вест Хэм"га қарши ўйинда) билан шундай бўлганди.
Муҳаммад Салоҳ 27 та гол билан тўпурарлар пойгасида пешқадамликни давом эттирмоқда.
