"Реал" бош мураббийи Карло Анчелотти "Реал" вингери Винисиус Жуниорнинг Ла Лиганинг 32-турида Бильбаонинг "Атлетик" жамоасига қарши беллашувдаги ўйини ҳақида гапирди. Ўйин 1:0 ҳисобида мадридликлар фойдасига ҳал бўлди.

"У ўз маҳоратига ажойиб ёндашадиган ажойиб футболчи. Иккинчи бўлимда у майдонда ўзини кўрсатди ва рақибларини анча чарчатди. Унинг голга бўлган ҳаракати ва ажойиб паслари ўйиндаги муҳим лаҳзалар бўлди. Сўнгги бир неча ҳафта у ва бутун жамоа учун қийин бўлди. Менга унинг вазиятни ҳал қилиш услуби ёқди ва унинг ўйинга бўлган муносабати аниқ. - деди Анчелотти Мадрид клуби матбуот хизматига.

Жорий мавсумда Винисиус барча турнирларда 47 та ўйин ўтказиб, 21 та гол урди ва 15 та голли узатмани амалга оширди. Футболчининг клуб билан амалдаги шартномаси 2027 йилнинг ёзига қадар мўлжалланган. Transfermarkt порталида берилган маълумотларга кўра, футболчининг бозор қиймати 200 миллион еврони ташкил қилади.