Миланнинг "Интер" клуби бош мураббийи Симоне Индзаги Саудия Арабистони чемпионатидан таклиф олди. "Ал-Ҳилол" унга қизиқиш билдирмоқда, дея хабар беради инсайдер Николо Скира.
"Нерадзуррилар" мураббийини бу таклиф ҳаяжонлантирмади. Индзаги учун устувор вазифаси унинг "Интер" билан шартномасини узайтириш бўлиб қолмоқда. Миланликлар мавсумига 7 миллион евро маош билан ҳамкорликни 2027 йилгача узайтиришга тайёр.
Индзаги 2021/22 йилги мавсум олдидан "Интер"ни бошқариб келмоқда. "Нерадзуррилар" бошқарувида у ўтган йили Скудетто, шунингдек, икки марта Италия кубоги ва учта Италия Суперкубогини қўлга киритди ва 2022/23 йилги Чемпионлар Лигаси финалига чиқди.
