Milanning "Inter" klubi bosh murabbiyi Simone Indzagi Saudiya Arabistoni chempionatidan taklif oldi. "Al-Hilol" unga qiziqish bildirmoqda, deya xabar beradi insayder Nikolo Skira.
"Neradzurrilar" murabbiyini bu taklif hayajonlantirmadi. Indzagi uchun ustuvor vazifasi uning "Inter" bilan shartnomasini uzaytirish bo‘lib qolmoqda. Milanliklar mavsumiga 7 million yevro maosh bilan hamkorlikni 2027 yilgacha uzaytirishga tayyor.
Indzagi 2021/22 yilgi mavsum oldidan "Inter"ni boshqarib kelmoqda. "Neradzurrilar" boshqaruvida u o‘tgan yili Skudetto, shuningdek, ikki marta Italiya kubogi va uchta Italiya Superkubogini qo‘lga kiritdi va 2022/23 yilgi Chempionlar Ligasi finaliga chiqdi.
