Робин Кох фаолиятини "Боруссия"да давом эттириши мумкин.
Флориан Плеттенберг хабарига кўра, Дортмунд клуби "Айнтрахт" ҳимоячисини сотиб олишга жуда қизиқмоқда. Футболчи томони билан алоқалар аллақачон йўлга қўйилган, кейинги музокаралар режалаштирилган.
Бу ёзда товон пули кучга киради. Кохни 18-20 миллион еврога сотиб олиш мумкин.
Қайд этилишича, мавсум якунида Чемпионлар лигаси йўлланмасини қўлга кирита олмаслиги “Боруссия”га қарши ўйнайдиган омиллардан бири бўлиши мумкин.
Жорий Бундеслигада Кох 26 та ўйин ўтказиб, 2 та гол урган.













