"Тоттенхэм" марказий ҳимоячиси Кристиан Ромеро ўзини Испания чемпионатида синаб кўрмоқчи эканлигини тан олди. Яқинда 26 ёшли жаҳон чемпионига қизиқиш "Реал" ва "Атлетико" клублари билан боғлиқ эди.
"Биз Европа лигасининг ярим финалидамиз ва мавсумни юқори нотада якунламоқчиман, кейин кўрамиз. Мен ҳар доим ўсишга эътибор қаратаман, янги чақириқларга очиқман. Ҳали ўйнамаган лигаларимдан Испанияда ўз кучимни синаб кўрмоқчиман", - дейди Ромеро.
Кристиан Ромеронинг "Тоттенхэм" билан шартномаси 2027-йилнинг ёзига қадар амал қилади.













