"Ньюкасл" ярим ҳимоячиси Сандро Тоналини бир нечта йирик жамоалар кузатиб турибди.

Агар миш-мишларга ишонадиган бўлсак, италиялик футболчи яқинлашиб келаётган трансфер ойнасида клубини ўзгартиришга тайёрлигини аллақачон айтиб бўлган. CaughtOffside хабарига кўра, ярим ҳимоячига "Барселона", "Реал Мадрид", "ПСЖ", "Манчестер Сити", "Бавария" ва "Ювентус" қизиқиш билдирмоқда. "Магпилар" ўз юлдузи учун тахминан 80 миллион евро сўрашади.

"Милан"нинг собиқ футболчиси жорий мавсумда "Ньюкасл" сафида барча турнирларда 40 та ўйинда майдонга тушиб, 5 та гол урди ва 3 та голга ассистентлик қилди.