Мадриднинг "Реал" клуби жамоа бош мураббийлигида Карло Анчелоттининг ўрнини ким эгаллаши кераклигини аллақачон билишади.
Италиялик мутахассис мавсум охиригача ўз лавозимини тарк этиши аниқ - фақат кетиш санаси аниқ эмас. Журналист Хорхе Пиконга кўра, "Реал" босслари Анчелоттининг ўрнига кўриб чиқаётган ягона номзод - "Байер"дан Хаби Алонсо. Испаниялик мутахассис мавсум якунлангач, иш жойини ўзгартириши кутилмоқда.
Карло Анчелотти июнь ойидаёқ Бразилия терма жамоасини бошқариши мумкин. Бразилия футбол конфедерацияси келишувни имкон қадар тезроқ ёпмоқчи. Шундай қилиб, катта эҳтимол билан "қаймоқранглилар"нинг ҳозирги бош мураббийи бўлажак клублар ўртасидаги жаҳон чемпионатида жамоани бошқармайди.
