"Вулверхэмптон" ҳужумчиси Матеус Кунья фаолиятини "Манчестер Юнайтед"да давом эттириши мумкин, дея хабар беради инсайдер Фабрицио Романо.

Манбага кўра, "манкунианликлар" футболчи учун курашда пешқадамга айланган.

Охирги бир неча кун ичида "Манчестер Юнайтед" футболчининг агентлари билан музокаралар олиб борди ва келишувга яқинлашмоқда.

25 ёшли бразилиялик футболчи 2023 йилдан буён "Вулверхэмптон"да тўп тепади. Жорий мавсумда у барча турнирларда 31 та ўйин ўтказиб, 16 та гол урди ва 4 та голга ассистентлик қилди. Transfermarkt Куньянинг бозор нархини 55 миллион еврога баҳоламоқда.