"Vulverxempton" hujumchisi Mateus Kunya faoliyatini "Manchester Yunayted"da davom ettirishi mumkin, deya xabar beradi insayder Fabrisio Romano.
Manbaga ko‘ra, "mankunianliklar" futbolchi uchun kurashda peshqadamga aylangan.
Oxirgi bir necha kun ichida "Manchester Yunayted" futbolchining agentlari bilan muzokaralar olib bordi va kelishuvga yaqinlashmoqda.
25 yoshli braziliyalik futbolchi 2023 yildan buyon "Vulverxempton"da to‘p tepadi. Joriy mavsumda u barcha turnirlarda 31 ta o‘yin o‘tkazib, 16 ta gol urdi va 4 ta golga assistentlik qildi. Transfermarkt Kunyaning bozor narxini 55 million yevroga baholamoqda.













