Европа футбол ассоциациялари иттифоқи Клубларни рағбатлантириш дастури Европанинг барча 55 миллий футбол ассоциациясининг 901 клубига рекорд даражадаги 233 миллион евро тарқатди.
2020/21 ва 2022/23-йилги Миллатлар лигаси, Европа саралаши ва УEФА Евро-2024 финал турнирини ўз ичига олган УEФА миллий терма жамоалари мусобақаларига ўйинчиларни юборганликлари учун жамоалар мукофотланади.
Умумий сумма 2020-йилги Европа чемпионати билан якунланган олдинги жараёнга нисбатан 33 миллионга ошган.
Мукофотлар нафақат олий лига жамоаларига, балки Англиянинг еттинчи дивизионидаги бир нечта жамоаларга ва Йоркширнинг ўнинчи дивизионидан битта ҳаваскор жамоага ҳам насиб этди.
Рағбатлантириш дастури евродаги тижорат даромадлари ҳисобидан молиялаштирилади.
