La Gazette dello Sport нашрининг хабар беришича, "Милан" бош директори Жоржио Фурлани яқин кунларда Игли Таре билан учрашади.
Таре бир неча ҳафта давомида "Милан"нинг янги спорт директори бўлишга номзодлардан бири сифатида кўриб чиқилмоқда, аммо у "россонерилар" томонидан муҳокама қилинган ягона номзод эмас. Шунингдек, миланликлар шорт-листида "Аталанта"дан Тони Д'Амико варианти ҳам бор.
Хабарга кўра, Таре ва Фурлани ўтган ҳафтада тўрт соатлик учрашув ўтказишган, бу орқали улар келажакдаги дастурлар, ғоялар ва ишчи гуруҳлар, жумладан, "россонерилар" учун янги мураббийни муҳокама қилишган.
Бироқ янги учрашув муҳим аҳамиятга эга бўлади, чунки унинг якунида Фурлани Тарени ижарага олиш ёки бошқа номзод қидириш ҳақида сўнгги қарор қабул қилади.
Эслатиб ўтамиз, Таренинг сўнгги иш жойи "Лацио" ҳисобланади.
