Леверкузеннинг "Байер" клуби бош мураббий Хаби Алонсонинг келажаги билан боғлиқ режаларни яқин 3-4 ҳафта ичида аниқ қилиб олишни истайди. Бу ҳақда The Athletic нашри хабар берди.
Аввал ҳам айтилганидек, "доришунослар" 43 ёшли испаниялик мутахассиснинг "Реал"га кетишига ҳеч қандай қаршилик қилмайди.
Ҳозирда Леверкузен клуби Бундеслига турнир жадвалида "Бавария"дан 8 очко ортда қолган ҳолда иккинчи ўринда бормоқда.













