Мадриднинг "Атлетико" клуби ўтган ёзда "Аталанта" марказий ярим ҳимоячиси Эдерсонни сотиб олиш учун расмий таклиф юборган. Бу ҳақда 25 ёшли бразилиялик футболчининг агенти Андре Кюри хабар берди.
"Ўтган ёзда "Атлетико" Эдерсон учун 45/50 млн евро таклиф қилганди, аммо "Аталанта" кўпроғини хоҳлаётганди. Бергамоликлар уни ҳам сотишни исташмади, чунки улар Чемпионлар Лигасига йўлланма олганди", - деди Кюри Marca нашрига.













