"Астон Вилла" бош мураббийи Унаи Эмери "Манчестер Сити"дан учралган мағлубиятдан сўнг (1:2) ўз фикрларини билдириб ўтди.
Учрашув тақдири 94-дақиқада ҳал бўлди, Матеус Нунес "шаҳарликлар"нинг ғалаба тўпини киритди.
"Ўйинни сўнгги дақиқада ютқаздик, аммо жуда яхши курашдик, дурангга яқин эдик. 90 дақиқа давомида "Манчестер Сити" кўпроқ устунлик қилди, аммо биз майдонда жанг қилдик, яхши эдик. Ижобий томонларга эътибор қаратиш муҳим. Мен ўйинни таҳлил қиламан ва олинган маълумотлардан иложи борича кўпроқ фойда олишга ҳаракат қиламан. Биз шу руҳда давом этишимиз керак," - деди Эмери Sky Sports'га берган интервьюсида.
