Италиянинг "Милан" клуби А Серия турнир жадвалида бор-йўғи тўққизинчи ўринни эгаллаб турибди, жамоа мавсум давомида мураббий ўзгаришини бошдан кечирди, аммо бундан кейин ҳам натижалар янада ёмонлашди.
Италия терма жамоасининг собиқ футболчиси, 1994 йилги жаҳон вице-чемпиони Роберто Донадони бўлаётган воқеаларга ўз баҳосини беришга қарор қилди.
"Бу қийин йил, қаерда хатоларга йўл қўйилгани ва нимани яхшилаш кераклигини тушунишга ҳаракат қилишимиз керак.
Италия кубогида обрўни сақлаб қолиш учун имконият бор. Аммо дерби олдидан ишлар фақат мураккаблашади", - дея Донадонининг сўзларини келтиради pianetamilan.it.
Эслатиб ўтамиз, "Милан" Италия кубоги доирасида "Интер"га қарши баҳс олиб боради. Баҳс бугун тунда бўлиб ўтади.
