Italiyaning "Milan" klubi A Seriya turnir jadvalida bor-yo‘g‘i to‘qqizinchi o‘rinni egallab turibdi, jamoa mavsum davomida murabbiy o‘zgarishini boshdan kechirdi, ammo bundan keyin ham natijalar yanada yomonlashdi.
Italiya terma jamoasining sobiq futbolchisi, 1994 yilgi jahon vise-chempioni Roberto Donadoni bo‘layotgan voqealarga o‘z bahosini berishga qaror qildi.
"Bu qiyin yil, qayerda xatolarga yo‘l qo‘yilgani va nimani yaxshilash kerakligini tushunishga harakat qilishimiz kerak.
Italiya kubogida obro‘ni saqlab qolish uchun imkoniyat bor. Ammo derbi oldidan ishlar faqat murakkablashadi", - deya Donadonining so‘zlarini keltiradi pianetamilan.it.
Eslatib o‘tamiz, "Milan" Italiya kubogi doirasida "Inter"ga qarshi bahs olib boradi. Bahs bugun tunda bo‘lib o‘tadi.
