"Манчестер Юнайтед" марказий ҳимоячиси Маттейс де Лигт "Интер" эътиборини тортди.
Нидерландиялик футболчи ўтган ёзда "Бавария"дан "қизил иблислар" сафига келиб қўшилганди, аммо миш-мишларга кўра, у мавсум оралиғида яна клубини ўзгартириши мумкин.
Tuttosport хабарига кўра, "Интер" 25 ёшли футболчини ўз сафига қўшиб олмоқчи. "Нерадзуррилар" марказий ҳимоячини сотиб олиш имкониятини ўз ичига олган ижара вариантини кўриб чиқмоқда.
Эслатиб ўтамиз, 2019 йилдан 2022 йилгача Маттейс де Лигт Италиянинг бошқа бир клуби “Ювентус” шарафини ҳимоя қилган.













