Мавсум якунида "Бавария"ни тарк этадиган ҳужумчи Томас Мюллер Италия чемпионатига ўтиши мумкин эди. Бу ҳақда ижтимоий тармоқда инсайдер Кристиан Фальк хабар берди.
Манбанинг хабарига кўра, тажрибали германияликнинг хизматларига "Фиорентина" қизиқиш билдирган. Флоренция клуби Мюллерга таклиф билан чиқди, бироқ Томас "бинафшаранглилар" сафига ўтишни рад этди.
35 ёшли ҳужумчи 2009 йилнинг июлидан бери "Бавария"да тўп тепмоқда. Мюллер шу ёзда эркин агентга айланади. Томас Бундеслиганинг жорий мавсумида 26 та ўйин ўтказиб, 1 та гол ва 5 та голли узатмага муаллифлик қилган.
