Mavsum yakunida "Bavariya"ni tark etadigan hujumchi Tomas Myuller Italiya chempionatiga o‘tishi mumkin edi. Bu haqda ijtimoiy tarmoqda insayder Kristian Falk xabar berdi.
Manbaning xabariga ko‘ra, tajribali germaniyalikning xizmatlariga "Fiorentina" qiziqish bildirgan. Florensiya klubi Myullerga taklif bilan chiqdi, biroq Tomas "binafsharanglilar" safiga o‘tishni rad etdi.
35 yoshli hujumchi 2009 yilning iyulidan beri "Bavariya"da to‘p tepmoqda. Myuller shu yozda erkin agentga aylanadi. Tomas Bundesliganing joriy mavsumida 26 ta o‘yin o‘tkazib, 1 ta gol va 5 ta golli uzatmaga mualliflik qilgan.
