"Манчестер Сити" Диогу Кошта трансфери устида ишламоқда.
Журналист Санти Ауна хабарига кўра, "Порту" дарвозабони аллақачон АПЛ клубига ўтишга розилик берган.
"Шаҳарликлар" Кошта билан тахминан 40 млн евро эвазига шартнома имзолашга умид қилмоқда. Шу билан бирга, дарвозабоннинг агенти Жорже Мендеш трансферни товон пулидан пастроққа келишиб олишга ҳаракат қилмоқда - ҳозирда товон пули 60 млн еврони ташкил этади.
Аввалроқ, Коштага "Манчестер Юнайтед" ва "Челси" ҳам қизиқиш билдираётгани ҳақида хабарлар тарқалган эди.













