"Арсенал" Премьер-лигада ҳисобда олдинда бораётган ўйинида яна дуранг ўйнади. Микель Артета жамоаси ўз уйида "Кристал Пэлас"га қарши дербида ғалабани қўлдан чиқарди - 2:2. "Бургутлар"ни мағлубиятдан қутқарувчи гол 83-дақиқада киритилди.
Бу Англия чемпионатининг жорий мавсумида "Арсенал"нинг рақиби ўйин давомида мағлубиятга учраб, дуранг қайд этган тўққизинчи ҳолат бўлди. Бошқа ҳеч бир жамоа билан бундай ҳолат етти мартадан кўп содир бўлмаган. Бундан ташқари, Opta таъкидлаганидек, бу 2007/08 йилги мавсумдан бери АПЛдаги энг ёмон кўрсаткичдир - ўшанда "Тоттенхэм" худди шунча тўққиз марта ғалабани қўлдан бой берганди.
"Арсенал" 67 очко билан 2-ўринда бормоқда. Тез орада жамоа чемпионлик учун математик имкониятлардан маҳрум бўлиши мумкин - бунинг учун "Ливерпуль"га атиги бир очко етарли бўлади.
