"Манчестер Юнайтед"нинг собиқ форварди Луи Саа Англия Премьер-лигасининг кейинги мавсумида "Ливерпуль"нинг имкониятларини баҳолади.
"Жорий мавсумда "Ливерпуль" АПЛнинг энг барқарор клуби бўлди. Улар кейинги мавсумда ҳам фаворит бўлса керак. Шунингдек, улар чемпионлик учун курашда муҳим роль ўйнаши мумкин бўлган ван Дейк ва Салоҳни сақлаб қолишди," - дея Саанинг сўзларини келтиради Metro.
Бугунги кун ҳолатига кўра, "Ливерпуль" Англия Премьер-лигаси турнир жадвалида пешқадамлик қилмоқда. Арне Слот шогирдлари 79 очко жамғариб, 2-ўриндаги Лондоннинг "Арсенал" клубини 12 очкога ортда қолдирмоқда. "Қизиллар" навбатдаги ўйинда Лондоннинг "Тоттенхэм" клубига қарши майдонга тушади. Дуранг уларни чемпион қилади.
