Италиянинг “Ювентус” клуби ярим ҳимоячи Георгий Судаковнинг трансфери борасида Украинанинг “Шахтёр” клуби билан музокара олиб бормоқда. Бу ҳақда журналист Бен Жейкобс Х ижтимоий тармоғида хабар берди.
“Ювентус” Георгий Судаков борасида расмий таклиф билан чиқди ва “Шахтёр” билан бевосита музокаралар олиб бормоқда.
"Жиунтоли ("Ювентус" спорт директори) Судаковнинг услуби ўзига мос келади, деб ҳисоблаб, трансфер тарафдори. "Наполи" ва "Брентфорд" ҳам қизиқиш билдирмоқда, бироқ "Ювентус" биринчи таклиф билан чиқди", - деб ёзади Жейкобс.
Transfermarkt Украина терма жамоасининг 22 ёшли футболчисининг бозор нархини 32 миллион еврога баҳоламоқда.
